IG：@ally_blahblah
https://instagram.com/ally_blahblah?igshid=1jtemurbno3q7
【你如何選擇？】
你目前嘅位置係建基於一連串嘅決定
而每一個決定係基於你嘅知識同經驗
簡單而言
想做好決定，就需要相關知識同經驗
知識面越廣
經驗越多
就有越多「幫助決定」嘅考慮因素
等於平日買菜，點知老闆有冇呃你？
就係你有冇買菜經驗、熟唔熟價錢、知唔知產地等等
咁點先可以有多啲知識同經驗？
有幾個方法：
1. 多閱讀
2. 多嘗試、跳出自己舒適圈（comfort zone）
3. 多同前輩溝通
4. 接受並非凡事能「一步登天」
1. 多閱讀
呢樣好緊要。細細個我老竇就同我講要多睇「雜書」（即係咩都睇吓）。細細個唔明，大個左先明白閱讀嘅重要性。由商務、策略、歷史、藝術、心理、政治等，我有時間就會睇。多閱讀，知識面廣（筆者依然向呢個目標進行中），自然容易用唔同角度思考問題，「put yourself in someone else's shoes」。而且，交際應酬有多啲嘢傾，百利而無一害。有人可能會話讀萬卷書不如走萬里路，我反而覺得，讀萬卷書同走萬里路一樣重要。有知識作根基，再出去歷練，事半功倍。
2. 多嘗試、跳出自己舒適圈（comfort zone）
好多事情唔試真係無知。讀中學嘅時候因為語言能力強，又參與辯論隊，好多人自然覺得我會做律師/salesperson，自己亦以為鐘意著重表達能力相關工作。到後來入銀行左 front office，經常見客，先發現自己唔鍾意「跑數」；又後來入法律學院，發現自己唔適合做律師。不過試過其他部門，正正因為試過，知道自己比較喜歡策略、分析等「用腦」工作，其實同時又可以發揮本來已有優勢。
3. 多同前輩溝通
年輕人總有一股初生之犢不畏虎嘅「氣概」，不過有機會的話可以多同前輩溝通。雖然好多時候會有唔同意嘅地方（特別政治上......），但前輩畢竟人生經驗比較多、亦犯過錯，總會有值得學習嘅地方。
例如，筆者讀大學嘅時候有一位前輩同我講「畢業前CV上一定要有三樣嘅: 有返實習(internship)，有去交流(exchange)，有獎學金(scholarships)」，事源唔少大公司都會留意呢幾樣。多得當年佢提醒，先發現好多嘢要提前準備，為未來鋪路。
4. 接受並非凡事能「一步登天」
人總有好多「想做」嘅事。不過，要學會接受並非凡事能「一步登天」。古語有云，天降大任於斯人也，必先苦其心志，勞其筋骨，餓其體膚，空乏其身，行指亂其所為，所以動心忍性，曾益其所不能。有時候，為目標，「偶爾」要短暫做「其他事情」。改變心態，學會忍耐同努力向目標前行，自然能幫助選擇。
又：有冇人想知我睇咩書？如果我分享的話，有冇人會睇？
#移民 #移民歐洲 #移民荷蘭 #荷蘭 #西歐 #出國 #留學 #歐洲讀書 #歐洲工作 #歐洲生活 #荷蘭公司 #歐洲公司 #荷蘭生活知多啲 #香港人在荷蘭 #香港人在歐洲 #香港人加油 #搵工 #閱讀
Search